පසුබිම

අප ගැන

ශ්‍රී ලංකාවේ මධ්‍යම කඳුකරයේ නැගෙනහිරට බෑවුම් වන්නට මුහුඳු මට්ට්මේ සිට මීටර් 680 ක් පමන වන උන්නතාංශයකින් පිහිටා ඇති බදුලු පුරවරය, කඳුකර භූ ලක්ෂණයන්ගෙන් සමන්විත වෙයි.

ඌව පළාතේ බදුල්ල දිස්ත්‍රික්කයේ අග නගරය වන බදුල්ල පුරවරයහි සිංහල, දෙමළ, මුස්ලිම් සහ බර්ගර් යන සියලු ජන කොටස් වල සම්මිශ්‍රනයකින් යුතු 47587 ක් පමණ ජන සංඛ්‍යාවක් ජීවත් වෙයි. වර්ග කිලෝමීටර 10 ක පමණ භූගෝලීය ප්‍රදේශයකින් සමන්විත බදුලු පුරවරය,කොළඹ සිට මාර්ග දුර කිලෝමීටර 230ක් පමණ ඈතින් පිහිටා ඇති තරමක කාර්‍යබහුල, ශ්‍රී ලංකාවේ වැදගත් ආර්ථික ප්‍රදේශයකි.

නිරපේක්ෂ පිහිටීම වශයෙන් ගත් කළ, උතුරට 6.9934° ත්, නැගෙනහිටර 81.0550° ත් වශයෙන් පිහිටා ඇති නිවර්තන දේශගුණික ලක්ෂණ පෙන්නුම් කරන භූගෝලීය ප්‍රදේශයකි. ප්‍රදේශයේ දේශගුණික තත්ත්වය පිළිබඳව විමසා බලන විට,සෙල්සියස් අංශක 23.3 පමණ වන මධ්‍යවාර්ෂික උෂ්ණත්වයක් සහ වාර්ෂික වර්ෂාපතනය මිලිමීටර් 1723ක් ලෙස හඳුනා ගත හැකිය. විශේෂිත ආර්ථික භෝගයක් ලෙස කඳුකර බිම් ආශ්‍රිතව තේ වගාව බහුලව ව්‍යාප්ත වී ඇති අතර,මේ හේතුවෙන් ස්වභාවික වෘක්ෂලතා ව්‍යාප්තියක් විශේෂයෙන් හඳුනා ගැනීම අපහසු වේ. නමුත් නමුණුකුළ කඳු වැටිය ආශ්‍රිතව කඳුකර සහ උප කඳුකර ලක්ෂණ සහිත වනාන්තර තවමත් නොනැසී පවතියි. ප්‍රදේශයේ භූ ලක්ෂණයේ කැපී පෙනෙන අංගයක් ලෙස ‘බදුලු ඔය’ හඳුනාගත හැකි අතර මානව ජනාවාස බහුලව පිහිටා නැති බදුලු ඔය ආශ්‍රිත ප්‍රදේශ වල ගංගාධර වනාන්තර ලක්ෂණ හඳුනාගත හැකි අතර පහසුවෙන් ජල සම්පාදනය කළ හැකි නිම්න ප්‍රදේශ වල එළවළු වගාද දැකගත හැකිය. සිසිල් දේශගුණ තත්ත්වයන් පවතින වැලිමඩ සීමාවට මායිම් වන ප්‍රදේශ වල විශේෂයෙන් ආර්ථික කටයුත්තක් ලෙස කොරටු වගාව සහ එළවළු වගාව දැකගත හැකිය.

හිතකර පරිසර තත්ත්වය මෙන්ම කඳුකර භූ විෂමතාවය හේතුවෙන් බදුලු පුරවරය සංචාරක ආකර්ෂණය දිනා ගැනීමට සමත් වී ඇත. බදුලු පුරවරයට යාබදව පිහිටි ඇල්ල සංචාරක කේන්ද්‍රස්ථානය බෙහෙවින් විදේශීය සංචාරක ආකර්ෂණය දිනාගැනීමට සමත් වී ඇත. මේ හේතුවෙන් වර්තමානය වන විට බදුල්ල ආශ්‍රිතව දේශීය සංචාරකයින්ට අමතරව විදේශීය සංචාරකයින්ගේ ද ආගමනය සිදුවෙමින් පවතී. කොළඹ, මහනුවර හරහා බදුල්ල දක්වා දිවෙන දුම්රිය මාර්ගය බහුලව විදේශීය සංචාරකයන්ගේ ආකර්ෂණයට ලක්වී ඇත. එමෙන්ම,

I. නමුණුකුළ කඳුවැටිය
II. දුන්හිඳ දිය ඇල්ල
III. මුතියංගණ රජමහා විහාරය
IV. බෝගොඩ ලී පාලම
V. නාරංගල කඳු මුදුන
VI. දෙමෝදර ආරුක්කු නවයේ පාළම

ආදිය විශේෂයෙන් කැපී පෙනෙන සංචාරක ආකර්ෂණය දිනාගත් ස්ථාන වේ.

සංචාරක කර්මාණ්තය, තේ වගාව ආදී ආර්ථික කටයුතු හැරුනුකොට සෞඛ්‍ය සහ අධ්‍යාපනය වැනි පහසුකම් වෙත ප්‍රවිෂ්ඨ වීමේ හැකියාව මත ද බදුලු පුරවරය විශේෂිත වෙයි. එහිදී උසස් අධ්‍යාපනය පිළිබඳව සලකා බලන විට ශ්‍රී ලංකාවෙ විශ්වවිද්‍යාල ක්ෂේත්‍රය තුළ වානිජ සහ වෘතීය මට්ටමෙන් වැදගත් වන පාඨමාලාවන් සම්බණ්ධයෙන් විශේෂිත වන ආයතනයක් ලෙස ඌව වෙල්ලස්ස විශ්වවිද්‍යාලය බදුලු පුරවරය තවත් බබළවයි. එසේම පාසැල් අධ්‍යාපනය දෙස බලන විට බදුල්ල මහ විද්‍යාලය, ඌව විද්‍යාලය, ධර්මදූත විද්‍යාලය, විශාකා උසස් බාලිකා විද්‍යාලය මෙන්ම විහාරමහාදේවී බාලිකා විද්‍යාලය ආදිය කැපී පෙනෙන අතර ජ්‍යාත්‍යන්තර මට්ටමේ ක්‍රීඩාංගණ ලෙස ‘විස්සන්ට් ඩයස් එළිමහන් ක්‍රීඩාංගණය’ ද මෙහිදී විශේෂිත වේ.

ඌව පළාතේ සෞඛ්‍ය ක්ෂේත්‍රය දෙස බලන විට බදුල්ල මහ රෝහල ප්‍රධානතම සේවා ස්ථානය වෙයි. බදුල්ල හෙද විදුහළ මෙන්ම නවීණ පසසුකම් වලින් පරිපූර්ණ බදුල්ල මහ රෝහල වැදගත් වනවා මෙන්ම එහි ධාරිතාවය වැඩි දියුණු කිරීමට සමත් වන්නක් ලෙස ඉදිවෙමින් පවතික පිළිකා රෝහල ද කැපී පෙනෙයි.

බදුල්ල ප්‍රාදේශීය සභාව ගත් කළ බදුලු පුරවරයේ කීර්ති නාමය ඔසවා තබන කැපී පෙනෙන රාජ්‍ය ආයතනයක් ලෙස අර්ත දැක්වීම යෝග්‍ය වේ. 18000ක් පමණ වන ප්‍රජාවක් වෙනුවෙන් නිරන්තරයෙන් සේවා සපයන බදුල්ල ප්‍රාදේශීය සභාව, බදුල්ල මහ නගර සභාවේ සීමාවට නැගෙනහිර දිශානුගතව වර්ග කිලෝමීටර 40.6 ක භූගෝලීය ප්‍රදේශයක් පුරා පැතිර පවතී. ග්‍රාම සේව වසම් 16 කට අයත් ගම් 59 කින් යුතු බදුල්ල ප්‍රාදේශීය සභා බල ප්‍රදේශය මැතිවරණ කොට්ටාශ 10 කට බෙදා වෙන්කර ඇත. ජනගහනය වශයෙන් ගත්කළ සිංහල, දෙමළ, මුස්ලිම් සහ බර්ගර් යන ජන කොටස් වල සුසං‍යෝගයෙන් යුතුව 17513 ක පමණ ජීවත් වන අතර පවුල් වශයෙන් ගත්කළ 10444 ක ප්‍රමාණයක් වේ.

බදුල්ල ප්‍රාදේශීය සභා බල ප්‍රදේශය පිළිබඳ මූලික තොරතුරු සාරාංශ ගතව පහත දැක්වේ

Services

Donec imperdiet massa tellus, vitae laci nia arcu mollis ac. Lorem ipsum dolor sit amet, consectetur adipiscing elit donec imperdiet ma ssa tellus, vitae lacinia arcu mollis ac.

Lorem ipsum dolor sit amet, consectetur adipiscing elit. Integer ultrices malesuada ante quis pharetra. Nullam non bibendum dolor. Ut vel turpis accumsan, efficitur dolor fermentum, tincidunt metus ut vel turpis accumsan, efficitur dolor fermentum metus ut vel turpis accumsan.

Porto Hotel Services

Amenities

FAQ'S

Consectetur adipiscing elit. Donec imperdiet massa tellus, vitae laci nia arcu mollis ac. Lorem ipsum dolor sit amet, consectetur adipiscing elit donec imperdiet ma ssa tellus, vitae lacinia arcu mollis ac.